The gentle and unfaltering love of a mother.

lyrics

Lyrics by Hamish Henderson (with permission)

1. A puir lad yince an a lad sae trim
Hi the haw, the gillieflour, hi the thyme!
A puir lad yince an a lad sae trim
He loed a lassie wha loedna him.

2. Says, she gae fetch to me ye rogue
Hi the haw, the gillieflour, hi the thyme!
Says, she gae fetch to me ye rogue
Your mither’s heart for tae feed my dog

3. Tae his mither’s hous gaed this young man
Hi the haw, the gillieflour, hi the thyme!
Tae his mither’s hous gaed this young man
He cut out her heart an awa he ran.

4. Nou as he ran he trippit and fell
Hi the haw, the gillieflour, hi the thyme!
As he ran he trippit and fell
An the heart rolled on the grun as well

5. Nou the heart it stotted against a stane
Hi the haw, the gillieflour, hi the thyme!
The heart it stotted against a stane
And the laddie heard it makin its mane.

6. Nou the heart was greetin and cryin fu sma
Hi the haw, the gillieflour, hi the thyme!
The heart was greetin and cryin fu sma
Are ye hurt my bairn, are ye hurt at aa?

credits

Lyrics and melody by Hamish Henderson (PRS/MCPS)
Arranged by Lori Watson (PRS/MCPS)